БМТнинг инсон ҳуқуқлари бўйича олий комиссари Луиза Арбур терроризмга қарши кураш олиб бораётган барча давлатлар халқаро қонунларга риоя қилиши кераклигини таъкидлади.Л.Арбур хоним БМТнинг янги тузилган Инсон ҳуқуқлари кенгашида сўзга чиқиб, барча маҳбуслар адолатли судлов ҳуқуқига эгалиги ва маҳбусларга нисбатан қийноқ усуллари қўлланилмаслиги шарт эканини қайд этди. Аммо у бу ҳуқуқларни бузаётган бирор давлат номини тилга олмади.
