Қозоғистон парламенти Назарбоевни 2020 йилгача тахтда қолдирмоқчи

Қозоғистон парламенти бугун Нурсултон Назарбоевни 2020 йилгача президентлик лавозимида қолдиришга имкон берувчи Конституциявий ўзгартишлар ҳақидаги қонунни қабул қилди.

Бу ўзгартишлар Қозоғистоннинг биринчи президенти "Элбоши" мақомига эга экани ва унинг ваколатлари референдум йўли билан узайтирилишини кўзда тутади.

70 ёшли Назарбоев Қозоғистонни 21 йилдан бери идора этиб келади.

7 январ куни у ўзининг ваколатлари 2020 йилга узайтирилиши бўйича референдум ўтказиш борасидаги парламент ташаббусини рад этган эди.