3-4 йилдан бери лўлилар тиланчилик ўрнига тадбиркорликни танлашган. Шаҳардаги пластик буюмлар ва чиқинди қоғозларни йиғиб-териб¸ махсус қабул қиладиган пунктларга топшириб¸ оғирлигига қараб ҳақини олишади.
Анчадан бери бир килограмм макулатура учун 400 сўм¸ пластик буюмларга эса 600 сўмдан пул олаëтган лўли болаларнинг кайфияти тушкун.
Сабабини сўрасам, ҳозирги кунда пластмасса буюмларга 300 сўм бераëтган экан.
"Ҳамма пунктларда шунақа нарх¸ сабабини билмаймиз. Энди бу ерларда юришнинг фойдаси йўқ. Ҳали паспорт олиш ёшига етмадим. Паспорт олишим билан Россияга кетаман"¸ дейди ëш лўли йигит.
