Россиянинг Калуга шаҳридан Озодликка ёзган 26 ёшли ўзбекистонлик аёл ёлғиз ўзи фарзандини боқишга қийналаётгани, ишсиз экани, бир неча йилдан буён нолегал ҳолатда яшашга мажбур бўлаётганини сўзлаб берди.
2008 йилда Россияга келган Озоданинг айтишича, у 2013 йили сурхондарёлик Давронбек исмли йигит билан танишиб, никоҳдан ўтган, бироз вақтдан кейин фарзандли бўлган ва... шундан сўнг эри ғойиб бўлган.
Озода, эндиликда, эридан алимент ундириб беришини сўраб, Шавкат Мирзиёевнинг виртуал қабулхонасина мурожаат қилмоқчи.
