Ўзбекистон матбуотида тарқатилган хабарларда айтилишича, Шавкат Мирзиёев Россия бош вазири ўринбосари Дмитрий Козакни қабул қилган. Мазкур учрашувда Ўзбекистон президенти Москвага биринчи давлат ташрифи апрель ойида амалга ошириши айтилган.
Тошкент ва Москва расмийлари президент Мирзиёевнинг Москва сафари олдидан Россияда вақтинча ишлаш учун ишчиларни уюштирилган тарзда жўнатиш шартномасини ишлаб чиқилаëтгани ҳақида ҳам маълумот тарқатилди.
Озодликнинг Қурултой эшиттиришида Мирзиёевнинг Россияга ташрифидан меҳнат мухожирлари нима кутмоқда¸ деган савол жавобини қидирдик.
Дастурда шунингдек Ўзбекистоннинг ташқи сиëсати¸ Россия билан муносабатлар масаласи борасида ҳам фикрлар айтилди.
Ўзбекистонлик публицист Шароф Убайдуллаев “сабзи экишдан бошқа малакали ишни эплай олмаган аксар аҳоли учун Россия билан яқинлашиш ўта ҳайрли” эканлигини таъкидлади.
