- Rustam Azimov Moliya vaziri etib tayinlangan kuni tahririyatimizga unga qarshi kattagina tanqidiy maqola kelib tushgan, maqolani kim uyushtirganini o‘sha paytda aytolmas edim,- dedi bugungi suhbat davomida taniqli publitsist, doimiy OzodNazarchilarimizdan biri Sharof Ubaydullaev.
Va o‘sha paytda aytolmaganini Sharof aka bugun aytdi. O‘zbekiston mustaqillikka erishgan dastlabki yillarda Prezident devonining “kadrlar bo‘limi”da ishlagan suhbatdoshimiz, shubhasiz, o‘zbekcha kadrlar siyosatining nozik jahatlarini biladiganlardan biri va eng muhimi, aytib beradigan yagonasidir.
