Бу тадбир “Сумалак сайли” туризм ва миллий қадриятлар биринчи фестивали доирасидаНаврўз байрами кунлари ўтказилади.
Подробно.уз сайтининг хабар қилишича, битта қозонда пишириладиган 5 тонна сумалак учун 2 тонна буғдой ивитилади.
Буғдойдан ташқари, 2 тонна ун, 1 тонна ёғ, 450 кг зоғора уни, 50 кг новвот ишлатилади. Сумалакни тайёрлаш учун 25 нафар аёл – сумалак усталари жалб этилади.
Тайёрланган сумалак барча ташриф буюрган меҳмонларга тортиқ қилиш билан бирга, қариялар ва меҳрибонлик уйларига, маҳаллалардаги кам таъминланган оилаларга тарқатилади.
2017 йил 8 сентябрь куни Тошкентда "Ўзбегим" фестивали доирасида 7360 кило палов тайёрланган ва Гиннеснинг рекордлар китобига киритилганди.
