"УЕФА Чемпионлар лигаси кубоги" илк бор Ўзбекистонга олиб келинди
Футбол дунёсидаги энг нуфузли мукофот саналган кубок Тошкентнинг “Anhor Lokomotiv” боғида жойлашган “Axelon” картинг клубида намойиш этилмоқда.
У ерда футбол ишқибозлари “УEФА Чемпионлар Лигаси кубоги”ни ўз кўзлари билан кўришлари ва суратга тушишлари мумкин.
"УЕФА Чемпионлар лигаси кубоги"ни Европа бўйлаб олиб юриш анъанаси кўп йиллардан бери мавжуд.
Лекин, бу кубок шу пайтгача Марказий Осиёнинг ҳеч бир давлатида бўлмаган.
1955 йилдан бери энг зўр футбол жамоаларига топшириб келинаётган олтин қопламли “УEФА Чемпионлар Лигаси кубоги” баландлиги 74 сантиметр, оғирлиги 7 ярим килони ташкил қилади.
Кубокнинг ҳозирги эгаси Англиянинг "Ливерпуль" клубидир.
