Электр токи узилгач, зулматга чўмган Тошкент метроси йўлагидаги йўловчилар, 25 январь, 2022

"Свет"сиз Ўзбекистон: Энерготизимда йирик носозлик - таъминот "босқичма-босқич" тикланади

январ 25, 2022

25 январь, Тошкент вақти билан соат 11:00лар да пойтахт ва аксар вилоятларида электр энергияси узилиб қолди.
Тошкентда метро ва аэропорт иши вақтинча тўхтади, йирик шаҳарларда светофор ишламагани учун тиқин юза келди.
Турар-жойларда лифтга қамалиб қолган, "Амирсой" дам олиш масканида осма йўлларда қолиб кетганлар кузатилди.
Айни пайтда, Қирғизистон ва Қозоғистонда ҳам электр токи узилди, шаҳарларда транспорт коллапси кузатилди.
Қарийб 3 соатлардан сўнг Ўзбекистоннинг айрим ҳудудларида таъминот тиклана бошлади.
Қўшни Қирғизистон ва Қозоғистонда ҳам электр таъминоти тиклана бошлагани хабар қилинди.
Марказий Осиёда илк бор кузатилаётган техноген авария сабаби ва айбдорлари борасида дастлабки баёнотлар бир-бирига зид бўлди.
Ўзбекистон Энергетика вазирлиги, аварияга Қозоғистон электр тармоғидаги "катта авария" сабаб бўлган, деб баёнот берди.
Қозоғистон Энергетика вазирлиги, бунга Ўзбекистон ва Қирғизистон тизимидаги дисбаланс сабаб, деб баёнот берди.
Шундан сўнг, Ўзбекистон томонининг тармоқларда тарқалиб улгурган расмий баёнотидан Қозоғистондаги авария қисми олиб ташланди.
Ҳозирча, техноген ҳодиса сабаби ҳақида тўлиқ ва аниқ маълумот йўқ, расмийлар вазият ўрганилаётганини билдирган.
Ўзбекистон расмийлари иқтисодий зарар кўлами аниқланаётганини билдирди. Инсоний талофотлар ҳақида маълумот йўқ.
25 январь кечга бориб, Ўзбекистоннинг қарийб 45 фоиз қисмида электр таъминоти тиклангани айтилди.
ИИВ мамлакатда "жамаот тартибини сақлаш учун" 12 минг ходим сафарбар қилинганини билдирди.

“Ҳудудгазтаъминот”: Табиий газдан қарзи борлар вақтинчалик тармоқдан узилмайди

“Худудгазтаъминот” АЖ матбуот хизматининг хабар беришича, табиий газдан қарздорлик учун автоматик равишда ўчириш вақтинчалик тўхтатилган.

ФВВ: Тошкент метросида қолиб кетган 415 йўловчи қутқариб олинди

Фавқулодда вазиятлар вазирлиги, Тошкент метрополитенида бекатлар оралиғида - вагонлар ичида қолиб кетган жами 415 нафар йўловчи қутқариб олинганини маълум қилди.

Жумладан, “Машинасозлар” (135 нафар), “Бодомзор-Минор” (70 нафар) ва “Амир Темур” (210 нафар) бекатларидан йўловчилар олиб чиқилган.

Бундан ташқари, кўпфаватли уйлар ва бинолар лифтида қамалиб қолган 51 одам чиқарилгани айтилди.

Наманганда 1 ярим минг сўмлик шағам 5 минг сўмга чиқди

Аэропортлар иши тўлиқ тиклангани ҳақидаги хабарлар тасдиқланмаётир

Жумладан Андижон шаҳридаги аэропортда бўлган блогер Alimoff автобусда Наманган олиб борилаётгани ва у ердан Тошкентга учиши айтилганини хабар қилди.

Давомини ўқинг