Зеленский: Тарихни яшириш имконсиз!
Украина президенти Владимир Зеленский Россия билан дипломатик алоқалар узилгани тўғрисида баёнот берди, деб хабар қилди УНИАН.
Зеленский, шунингдек, Россия фуқароларини норозилик намойишларига чиқишга чақирди.
“Украина ўзини ҳимоя қилади. Ҳозир Украин армияси сизнинг қўлловингизга муҳтож. Биз ҳозирданоқ юртимизни ҳимоя қилишни истаган кўнгиллиларга қурол тарқатяпмиз. Ҳали виждонини йўқотмаган барча одамлар кўчага чиқиб, бу урушга қарши норозилик билдирадиган пайт етиб келди. Украина билан урушга қарши". "Россия, фашист Германияси каби, номардларча тонгда ҳужум қилди", деди Зеленский.
Ўз чиқишида у Россия фуқарлари ва Украинадаги рус тилида сўзлашувчи фуқароларга ҳам мурожаат қилди:
"Мен биламан, бу маълумотларни сизнинг юртингиздаги телеканаллардаги кўрсатишмайди. Ижтимоий тармоқлар блокланади. Лекин бу жаҳолат ва бир миллатни йўқ қилиш истаги ҳақида ҳақиқатни блоклаш имконсиз. Тарихни яшириш имконсиз", деди Зеленский.
Банкомат ва Киевдан чиқиш йўлларида тирбандлик кузатилмоқда
Украинанинг йирик шаҳарларида аҳоли банкомат ва автомобилга ёқилғи учун навбатда турибди.
Қуйидаги суратда Киевдаги манзара акс этган:
Киевда бомбаланган ҳудудлар
Reuters мухбири Киевдаги Васильковская кўчасида, Борисполь аэропортидан 3 километр нарида, ракета билан урилган ҳудудни тасвирга олди.
Украина давлат фавқулодда вазиятлар хизмати маълум қилади, соат 07.00 ҳолатига:
- Россия ҳарбийлари Луганск вилоятидаги икки қишлоқ – Городишче ва Меловоени ишғол қилди,
- Хмельницкий ва Винница вилоятларида артиллериядан ўққа тутилган ҳарбий қисмларда ёнғин бошланган,
- Луцкда телеминора портлатилган,
- Днепропетров вилоятининг Краснополье ва Марганец шаҳарларидаги ҳарбий омборларда ёнғин бўлмоқда
- Киев вилоятининг Бровари шаҳри яқинидаги ҳарбий қисмда ёнғин.
- Кейинроқ соат 07:20 ҳолатига Луцкдаги аэродром ўққа тутилгани, шунингдек, бошқа омборларда ёнғин чиққани ҳақида маълумот пайдо бўлди:
- Луцк шаҳри аэродромига зарба берилган (ДФВВнинг бир ходими яраланган),
- Полтава вилоятининг Радушчино қишлоғидаги, Черкас вилоятининг Россошков қишлоғидаги ҳарбий омборлар ёнмоқда,
- Львов вилоятининг Каменка Бужская қишлоғидаги ҳарбий қисм ўққа тутилган,
- Житомир вилоятининг Ивница қишлоғидаги ҳарбий қисм ҳудудига снаряд тушган,
- Ивано-Франковскда ҳарбий қисмга снаряд тушган.
