Молиявий пирамида қурган чинозлик Аҳмадбойни беозор чумчуққа ўхшатган публицист Шароф Убайдуллаев OzodNazarга чорловимизни рад этмагани сабабини изоҳлар экан, бундай деди: “Менинг бугун ғазабимни қўзғаётган нарса - шарлатанлар, порахўрлар базму жамшид қилиб ётган бир пайтда, 45 даражали иссиқда, биргина Сирдарё вилоятида бюджет ташкилотларининг 60 минг ходими далада ғўза чопиқ қилаётганидир...”
Айни пайтда, Шароф Убайдуллаев фирибгарликда айбланаётган Аҳмад Турсунбоевни “камбағалпарвар”, деб атадики, бу фикрга Сиз тингловчи қўшилишингиз, балки, мушкулдир.
Лекин OzodNazar шундай – кўпчилик қабул қилиши мушкул бўлган фикрлар учун ҳам минбардир ва суҳбатдошимиз бошқаларникига ўхшамаган фикрини билдиришга тўла ҳақли...
