AQSH prezidenti Donald Trampning maslahatchilari Rossiyaga nisbatan sanksiyalarni yumshatish rejasini ishlab chiqishmoqda. Bu haqda Bloomberg agentligi o‘z manbalaridan olingan ma’lumotlarga tayangan holda xabar qildi.
Agentlik manbalariga ko‘ra, bu yerda gap, jumladan Rossiya neftiga oid cheklovlar haqida bormoqda.
Bloomberg agentligi 7-mart kuni Oq uy, jumladan neft narxi uchun eng yuqori baho darajasini bekor qilish masalasini muhokama qilayotgani haqida xabar qilgan edi. Mazkur tartibga muvofiq, g‘arb mamlakatlaridan bo‘lgan shirkatlarga Rossiyadan bir barreli 60 dollardan ko‘proqqa sotib olingan neftni tashish va sug‘urta qilish taqiqlangandi.
Bloomberg va Reuters xabariga ko‘ra, sanksiyalar yumshatilishiga Rossiyaning Ukraina bilan tinchlik shartnomasini imzolashga roziligi asos o‘laroq keltirilmoqda. Ayni paytda, Reuters manbalari ma’lumotiga ko‘ra, Vashington rejalari Kreml tomonidan yon berishlarsiz cheklovlar olib tashlanishi alomati bo‘lib hisoblanmaydi.
Yettinchi mart kuni Tramp, Rossiya Ukraina qarshi jangovar harakatlarni to‘xtatishni va Kiyev bilan muzokaralar olib borishni istamagan taqdirda, Moskvaga keng ko‘lamli sanksiyalar bilan tahdid qilgan edi.
Seshanba, 11-mart kuni Saudiya Arabistonining Jidda shahrida AQSH va Ukraina vakillarining muzokaralari bo‘lib o‘tadi. OAV ma’lumotlariga ko‘ra, Ukraina Rossiya bilan qisman otashkesim taklif qilmoqchi. Bu yerda gap dronlar va uzoq masofaga uchuvchi raketalar bilan zarba berishni taqiqlash hamda Qora dengizda jangovar harakatlardan bosh tortish haqida bormoqda.
Shu bilan birga, Bloomberg qaydicha, Rossiya tinchlik bitimini tuzish uchun biror-bir yon beruvga tayyorligiga hali ishora ham qilgani yo‘q. Biroq Rossiya TIV rahbari Sergey Lavrov avvalroq Tramp komandasining Ukraina masalasi bo‘yicha sa’y-harakatlarini “to‘g‘ri yo‘nalishdagi qadamlar” deb atagan edi.