“Centrum Air” aviakompaniyasining Madina – Namangan yo‘nalishi bo‘yicha parvoz qilayotgan MFX3338 reysi ekipaji 10-fevral tongida Farg‘onadagi muqobil aerodromga yo‘l olishga qaror qilgan. Bu haqda Uzbekistan Airports shirkati matbuot xizmati ma’lumot tarqatdi.
Qayd etilishicha, uchoqning muqobil aeroportga yo‘nalishiga Namangan aeroportida kuzatilgan noqulay ob-havo sharoiti (tuman) sabab bo‘lgan.
Xabarnomada uchoq dushanba kuni mahalliy vaqt bilan soat 7:53 da Farg‘ona aeroportiga borib qo‘ngani qo‘shimcha qilingan.