O‘zbekistonda voyaga yetmagan qizchani muntazam ravishda zo‘rlab kelgan erkak qo‘lga olingan. Bu haqda O‘zbekiston prezidenti huzuridagi Ijtimoiy himoya milliy agentligi matbuot xizmati ma’lumot tarqatdi.
Agentlik qaydicha, besh farzandning otasi bo‘lgan “bloger niqobi ostidagi” 31 yashar A.K. “boshqa bir erkak bilan rasmiy nikohi bekor qilinmagan ayolni o‘ziga ikkinchi xotin qilib olgan”.
Xabarnomada ikkinchi xotinining 11 yashar qizini ham muntazam ravishda zo‘rlab kelgani aytilayotgan A.K.ga nisbatan mamlakat Jinoyat kodeksining 119-moddasi 4-qismi (Jinsiy ehtiyojni zo‘rlik ishlatib g‘ayritabiiy usulda o‘n to‘rt yoshga to‘lmagan shaxsga nisbatan qondirish) bilan jinoyat ishi qo‘zg‘atilgani ma’lum qilingan.
Voyaga yetmagan jabrlanuvchiga esa “agentlik tomonidan zarur tibbiy, psixologik va ijtimoiy ko‘mak ko‘rsatilmoqda”.