Яхши сақланмагани учун чириб кетган қарийб 3000 (уч минг) тонна пиёзни Тошкент шаҳар ҳокимияти аҳолига ўтган йилнинг апрелида бепул тарқатишга мажбур бўлгани тўғрисида хабар қилган эдик. Риштонлик таниқли блогер Дима Қаюм билан OzodNazarда ўтказилган суҳбатдан ўтган йилги аҳвол бу йил такрорланадиганга ўхшаб турибди. Диманинг айтишича, шу кунда у яшайдиган Фарғона вилоятида 1 кило пиёзнинг нархи 300 сўмдан бошланаяптики, сарлавҳага чиқарганимиз савол шундан пайдо бўлди.
Суҳбат давомида ҳануз иш бошламаган риштонлик кулоллару аҳволи “жуда, жуда ва жуда” абгор оилаларга ижтимоий тармоқлардан фойдаланувчилар кўрсатаётган хайрия ёрдамлари ҳақида ҳам сўз бўлди.
