O‘zbekiston 2024-yil yanvar – dekabr oylarida 1,5 milliard dollarlik 2 million tonna meva-sabzavot eksport qildi.
Statistika agentligi hisob-kitobiga ko‘ra, Rossiya o‘zbek meva-sabzavotining asosiy xaridori bo‘lib qolmoqda.
O‘zbekistondan eng ko‘p meva-sabzavot sotib olgan davlatlar quyidagilar:
• Rossiya: 815,1 ming tonna (632,9 million dollar);
• Qozog‘iston: 520,5 ming tonna (189,8 million dollar);
• Qirg‘iziston: 151,7 ming tonna (57,9 million dollar);
• Xitoy: 144,6 ming tonna (128,6 milliondollar);
• Pokiston: 124,7 ming tonna (192,3 million dollar);
• Afg‘oniston: 67,6 ming tonna (124,4 million dollar);
• Iroq: 32,9 ming tonna (13,4 million dollar);
• Turkiya: 28,2 ming tonna (48,3 million dollar);
• Belarus: 22,6 ming tonna (20,3 million dollar);
• Boshqa davlatlar: 128,5 ming tonna (141,7 million dollar).
Bir muddat oldin prezident Shavkat Mirziyoyev ayrim viloyat, tuman hokimlari, qishloq xo‘jaligi bo‘yicha o‘rinbosarlar ishni to‘g‘ri tashkil qilmagani sabab meva-sabzavot eksport hajmida katta o‘zgarish sezilmayotganini tanqid qilgandi.
Ozodlik avvalroq O‘zbekiston qishloq xo‘jalik mahsulotlari an’anaviy bozorlarni boy berayotgani, mamlakatdan meva-sabzavotni eksport qilish shartlari yomonlashgani haqida tahliliy maqola chop etgan edi.