O‘zbekistonlik grossmeyster Nodirbek Yoqubboyev Prague International Chess Festival xalqaro musobaqasi bosqichida birinchilikni qo‘lga kiritildi. Bu haqda O‘zbekiston shaxmat federatsiyasi matbuot xizmati ma’lumot tarqatdi.
Joriy yilning 26-fevralidan 7-martigacha davom etgan shaxmat musobaqasida Nodirbek Yoqubboyev 7 ochko yig‘ishga muvaffaq bo‘lgan.
Festival uchta aylanma musobaqani – Masters (asosiy turnir), Challengers (asosiy turnir uchun saralash) va Futures (Challengers uchun saralash) kabilarni o‘z ichiga olgan. 10 kishilik Challengers guruhida o‘tkazilgan 9 ta partiyada Yoqubboyev 5 marta g‘alaba qozongan, 4 marta esa o‘yinni durang natija bilan yakunlagan.
Musobaqa yakunida Nodirbek Yoqubboyev o‘zi singari 7 ochko jamg‘argan Yonas Byul Berre bilan bahs yuritib, ikkinchi partiyada tay-brekda raqibini mag‘lub qilishga muvaffaq bo‘lgan.
Musobaqadagi bu g‘oliblik Yoqubboyev uchun keyingi yilgi festivalda Masters guruhida dona surishga yo‘l ochgan.