НАМАНГАН. “Наманган шаҳри Кўзагарлик (собиқ Воровский) кўчасидан ёзмоқдаман. Чорсу даҳаси ёнидаги икки тарихий обида – мадраса ва Хўжа Амин мақбараси ўртаси ахлатхонага айланиб қолди.
Шаҳар аҳли бошқа давлатлардан келаётган сайёҳ меҳмонлар олдида жуда уялмоқдамиз. Қолаверса, ўзимизнинг ҳам таъбимиз бузилмоқда бундай нохуш манзарадан. Узр-ку, бадбўй ҳиддан кўнгил айнимоқда...
Бу ерда аввал темирчихона, новвойхона каби аҳоли эҳтиёжига хизмат қиладиган масканлар бор эди. Икки йил олдин ободонлаштириш бошланган эди, аслида эса у ободонлаштириш эмас, харобалаштириш экан! Ҳурматли мутасадди раҳбарлар, бошлаган ишларингни охирига етказа олмасанглар, яхшиси, унга киришмай қўяқолинглар!”
(Бу хабар Озодликка 2 июнь куни келди)
Ўзбекистон ва халқаро ҳаётга оид энг сўнгги янгиликлар, қизиқарли фото-видео тасвирларни Озодликнинг Instagramсаҳифасида кузатинг!
|