БУХОРО. “Бухоро муҳандислик-технология институтидан ёзмоқдамиз. Мамлакат раҳбарияти мажбурий меҳнатнинг олдини олишга қаратилган қарор ва фармонлар қабул қилган бир вақтда институт маъмурияти ўқитувчилар ва талабаларни мажбурий меҳнатга мажбурлаётгани ҳақида ёзган эдик.
Шундан кейин институт ўқув бошқармаси бошлиғига мажбурий меҳнат ҳолати бўйича маъмурий жазо берилди. Шу ўринда ҳақли савол: институтдаги мажбурий меҳнатга йўл қўйилмаслигини аввало ректор назорат қилмайдими? Ё ҳуқуқбузарлик фош бўлиб қолса пастдагилар жазо олиши одатий ҳолми?
Институтда қурилиш ишлари тугалланмаган, талабалар уйлари тайёр эмас, ходимлар ва талабаларни мажбурий меҳнатга “ихтиёрий” асосда “ватанпарварлик” ниқоби остида жалб этиш давом этмоқда...”
(Бу хабар Озодликка 14 сентябрь куни келган.)
Ўзбекистон ва халқаро ҳаётга оид энг сўнгги янгиликлар, қизиқарли фото-видео тасвирларни Озодликнинг Instagramсаҳифасида кузатинг!
|