O‘zbekistonga turistik maqsadlarda kelayotganlarning 79 foizdan ko‘prog‘ini Markaziy Osiyo mamlakatlari fuqarolari tashkil qiladi. Statistika agentligi yoyinlagan raqamlar asosida ana shunday xulosaga kelish mumkin.
Statqo‘m qaydicha, joriy yilning yanvar-iyul oylarida O‘zbekistonga jami 4,2 million nafar xorijlik tashrif buyurgan. Bu o‘tgan yilning shu davriga nisbatan 562,5 ming nafarga (15,3 foizga) ko‘pdir.
Xabarnomada o‘tgan yetti oy ichida O‘zbekistonga sayohat maqsadda Qirg‘iziston va Tojikistondan 1,2 million nafardan, Qozog‘istondan 845,8 ming nafar, Turkmanistondan 83,7 ming nafar kishi (jami 3 million 245 ming nafardan ziyod) tashrif buyurgani aytilgan.
Shuningdek, bu davr mobaynida Rossiyadan 442,1 ming nafar, Turkiyadan 62 ming nafar, Xitoydan 35,5 ming nafar, Hindistondan 33,3 ming nafar, Janubiy Koreyadan 23,9 ming nafar, Italiyadan 19,5 ming nafar, boshqa davlatlardan esa 211,2 ming nafar turist kelgan.