Markaziy Osiyoning eng taniqli fotosuratchilari va madaniy sharhlovchilaridan biri bo‘lmish Anzor Buxarskiy O‘zbekiston bo‘ylab 2 500 kilometrga sayohat qilib, mamlakatning turli burchaklarida kundalik hayot aks etgan tasvirlarni oldi.
Buxorolik suratchi o‘zining rang-barang fotosuratlari va o‘zbek madaniyati borasidagi sharhlari bilan tanilgan.
Buxarskiy Rossiyadan kelgan ikki do‘stini O‘zbekistonning sayyohlar nazaridan chetda qoladigan burchaklariga olib borgan. Uning so‘zlariga ko‘ra, O‘zbekiston rasmiylari zo‘r berib turistlar ko‘p tashrif buyuradigan joylarda “hamma narsani yangi g‘isht va plitkalar bilan obodonlashtirmoqda va axlat qutilari va politsiya kabinalarini o‘rnatmoqda”.
Ushbu 2000 yillik inshootdan zardo‘shtiylar murdalarni er, olov yoki suv kabi muqaddas elementlarni bulg‘amasdan yo‘q qilish maqsadida foydalanishgan. Jasadlarni ushbu minoraning tepasida qoldirishgan. Jazirama issiq va o‘laksaxo‘r qushlar murdani yo‘q qilgan. Qolgan suyaklar idishga solinib, ko‘milgan.
“Har safar O‘zbekistonning biron bir shahriga borganimda imkon qadar tezroq bozorga borishga harakat qilaman”, - dedi Buxarskiy.
“O‘z koloritiga ega va ochiq havoda savdo qilinadigan bozorlar o‘zbek xalqining faxridir. Bunday bozorlar adabiyot, rassomlar asarlari va kinoda minglab marotaba tasvirlangan”.
“Achinarlisi shundaki, yaqinda, 2017 - yildan boshlab, o‘zbek bozorlariga haqiqiy urush e’lon qilindi. Ularni yer bilan yakson qilib, o‘rniga zamonaviy gipermarketlar qurilmoqda. Butun madaniy meros qatlami yo‘qolib bormoqda. Uning o‘rni hech qachon to‘ldirilmasligidan qo‘rqaman”.
Buxarskiy O‘zbekistonning eng ko‘rkam tog‘lari Surxondaryoda, deb hisoblaydi. Uning so‘zlariga ko‘ra, Surxondaryoda “chindan yengil nafas olish mumkin”.
Buxarskiyning aytishicha, Xivadagi eski bozor ko‘rkam shahar devorlari tagida joylashgan bo‘lgan, ammo yaqinda “shahar ma’murlari savdogarlar chet ellik mehmonlar oldida zamonaviy O‘zbekistonni uyatga qo‘yadi, degan qarorga kelgan. Shuning uchun bozor shaharning boshqa qismiga, sayyohlar nazaridan nariroqqa ko‘chirilgan”.
“Bozorlarni buzish to‘lqini hattoki Surxondaryoga ham yetib bordi. Boysun shahridagi mashhur eski bozorga borganimizda “uni zamonaviyroq va chiroyliroq qilish uchun” shaharning boshqa qismiga ko‘chirishayotgani sababli bozor yopiq ekaniga guvoh bo‘ldik”.
Buxarskiy cho‘lda qum doim harakatda ekanini, yo‘llar ko‘milib qolmasligi uchun bir necha metr balandlikdagi mana shunday to‘siqlar qurilganini aytdi.
“Istalgan ta’til paytida O‘zbekiston shaharlari ko‘chalarida ko‘p sonli forma kiygan odamlarni ko‘rasiz: politsiya, harbiylar, milliy gvardiya va boshqalar”, - deydi Buxarskiy.
“Bu sayyohlarni hayratga soladi va ular ko‘pincha xavfsizlikka biror tahdid bormi, deb so‘rashadi”.
Buxarskiy Ozodlikka bergan intervyusida:
“O‘zbekistonning eski shaharlarida, YUNESKO tomonidan muhofaza qilinadigan hududlar ichida doimiy ravishda qandaydir ta’mirlash yoki qurish ishlari olib borilayotgani tashvishga soladi”, - dedi.
Buxarskiy 12 kunga cho‘zilgan sayohati yakunida bir necha narsani bilib olganini, shu jumladan, asosiy magistrallardan uzoqda O‘zbekiston yo‘llari “avtomobilda yurishga yaroqsiz – yo‘llar yadro urushi bo‘lib o‘tganiga o‘xshashini” bilib olganini aytdi.
Fotosuratchi minglab kilometrga cho‘zilgan sayohatdan keyin dunyoda o‘zi tug‘ilib o‘sgan Buxorodan “yaxshiroq shahar yo‘qligiga” amin bo‘lganini qo‘shicha qildi.