Айни пайтда Пауэлнинг Рамаллоҳда Ясир Арафат билан ҳам учрашиши белгиланган. “Мен Арафат билан учрашишга муштоқман. Фикримча, биз бир оз бўлса-да, илгари силжишга эришдик ва 24 соат ичида бу ижобий жараённи янада кенгайтиришга умид қилиб турибмиз. Аммо мен ҳозирча, нималарга эришамизу, нималарга йўқ - бу ҳақда гапиришни истамаган бўлардим, ”-деди АҚШ дипломатлари раҳбари Арафат билан учрашув арафасида. Бугун бир гуруҳ фаластинликлар билан учрашган Пауэл, тинчликка эришиш учун томонларнинг ўт очишни тўхтатиши ўта муҳимлигини яна бир бор таъкидлади.