Бугун Туркия кабинетининг бир гурух вазирлари Озарбайжон президенти Ҳайдар Алиев ва бошқа расмий вакиллар билан музокаралар олиб бориш учун Бокуга ташриф буюрадилар.

Туркия бош вазир ўринбосари Девлет Бахчели бошчилигидаги делегация Озарбайжон бош вазири Артур Расизода ва ташқи ишлар вазири Вилоят Гулиев билан ҳам учрашади. Туркия қардош Озарбайжон билан сиёсий, ҳарбий ва иқтисодий сохаларда яқиндан алоқалар ўрнатган.