Конгресснинг икки кунлик ёпиқ мажлиси давомида улар АҚШнинг разведка идоралари нима сабабдан 11 сентябр фожеаларининг олдини олиб қола олмагани ҳақида ҳисобот беришлари керак. Шунингдек, конгрессда миллий хавфсизлик бошқармаси директори Майкл Хэйденнинг ҳам кўрсатмалари тингланади. Бугун, шунингдек Буш маъмурияти мамлакатнинг янги хавфсизлик идораси – Ички хавфсизлик департаментини тузиш бўйича қонун лойиҳасини Конгресс муҳокамасига қўйиши керак. Тузилажак янги департамент Федерал қидирув бюроси ҳамда Марказий разведка бошқармасидан бошқа барча федерал хавфсизлик идораларини бирлаштириши кўзда тутилмоқда.
