Исроил ташқи ишлар вазири Шимон Перес Фаластин мухториятининг юқори даражали вакили Саэб Эрекат билан ўтказган сўзлашувлари натижаларидан қониқиш ҳосил қилганини билдирди.

Сўзлашувларда Фаластин ҳудудлари қуршовини юмшатиш масаласи муҳокама қилинди. Пересга кўра, Исроил ҳарбийлари Фаластин маъмурлари террористларни ўз кучи билан назорат қила олаётган ҳудудлардан олиб чиқилиши мумкин.
Бундан ташқари, агар яқин кунлар ичида исроилликларга нисбатан террористик хужумлар амалга оширилмаса, Исроил фаластинлик ишчиларга бериладиган кириш визалари миқдорини кўпайтириши мумкин.
Саэб Эрекат Исроилни яна бир бор Иордан дарёси ғарбий соҳилидан ўз қўшинларини тўла олиб чиқиб кетишга чақирди.
Исроил Фаластин сўзлашувлари келаётган ҳафтада давом эттирилиши кутилмоқда.