Украинадаги суд муҳолифат партияларининг келаси ҳафтада пойтаҳт Киев шаҳри марказида норозилик юриши уюштиришини таъқиқлади.

Давлат телевидениеси маълумотига кўра, суд бундай норозилик юриши шаҳардаги одатий қатнов тартибини бузиши мумкинлигини айтиб, уни шаҳар ташқарисига кўчиришни таклиф қилган.
Украинанинг бўлинган муҳолифати ўз тарафдорларини, президент Леонид Кучманинг истефога чиқишини талаб қилиш учун 16 сентябр куни бўладиган намойишга қўшилишга чақирган.