Бугун Европа комиссияси бир баëнот тарқатиб, 2004 йилгача аксарияти собиқ коммунистик давлатлар бўлган 10 мамлакат, жумладан Чех республикаси, Словакия, Полша, Венгрия, Латвия, Литва, Эстония, Словения, Қибриз ва Малта Европа иттифоқига қабул қилиниши кераклигини билдирди.

Европа Иттифоқи ижроия органинг яна маълум қилишича, Руминия ва Болгария 2007 йилгача Европа Иттифоқига қўшилиши мумкин.
Европа Иттифоқини кенгайтириш ҳисоботларида Туркияни Европа Иттифоқига қабул қилиш муддати белгиланмади, аммо Туркияга берилаëтган ëрдамни икки баробар кўпайтириш яъни 175 миллион еврога ошириш тавсия этилди.