АҚШ Конгрессининг намояндалар палатаси 2001 йил 11 сентябрида содир этилган террористик хуружларни ўрганиш бўйича комиссия тузиш тўғрисидаги қонун лойиҳасини бугун маъқуллади.

Таркибига Республикачилар ва Демократлар партиялари вакиллари кирувчи мазкур комиссия мамлакат хавфсизлик хизматлари террористик хуружларнинг олдини олишлари мумкинмиди, деган масалага аниқлик киритиши лозим.
Намояндалар палатаси маъқуллаган мазкур қонун лойиҳасини Сенат ҳам мақуллаган тақдирда, у имзолаш учун АҚШ президенти Жорж Бушга юборилади.