Афғонистон президенти Ҳомид Карзайга кўра, мамлакатда террорчилар тайëргарликдан ўтган катта лагерлар энди йўқ қилинган, аммо кеча Кобулда содир бўлган граната ҳужумига ўхшаган кичик зўравонлик хатти-ҳаракатлари узоқ вақт давом этиши мумкин.
Бугун Стокголмда Швеция раҳбарлари билан музокаралар олиб борган Карзай Ироқ масаласида ҳам тўхталиб, Афғонистон ҳукумати Ироқда демократик равишда сайланган ҳукуматни қўллаб-қувватлайди, деди ва бунга тинч йўллар орқали эришилишига умид билдирди.