Тожикистон ташқи ишлар вазири ўринбосари Салоҳиддин Насриддинов Бишкекда қирғиз расмийлари билан икки давлат ўртасида чегара делимитацияси масласи бўйича музокара олиб бормоқда.

Кеча Қирғизистоннинг минтақа муаммолари бўйича шуғулланувчи идораси раҳбари Саламат Аламанов ҳозирда Қирғизистон ва Тожикистон ўртасида 40қа яқин мунозарали ҳудуд борлигини маълум қилди. Ушбу масала юзасидан дастлабки музокаралар 1997 йилда бошланган эди.