Ироқ маъмурлари АҚШ ва Буюкбритания самолётларининг кечаги зарбаси натижасида уч киши ҳалок ва 16 киши ярадор бўлганини билдиришди.

Ироқ янгиликлари агентлигининг маълумотларига қараганда, Ироқ жанубидаги Басра ва Носирия шаҳарларидаги граждан иншоотларида вайронгарчиликлар юз берди.
Америка қўмондонлиги эса, душанба куни АҚШ Ҳарбий Ҳаво Кучларининг учувчисиз самолёти уриб туширилгандан кейин Ироқнинг қўмондонлик пункти ва ҳаво ҳужумига қарши мудофаа объектларига зарба урилганини маълум қилди.