Туркманистонда давлат чегарасини ғайриқонуний кесиб ўтганлик учун жазо чоралари оғирлаштирилди.

Туркманистон парламенти жиноят кодексига киритган ўзгартишларга мувофиқ, чегарани бузганлар учун ўн йил қамоқ жазоси белгиланадиган бўлди. Илгари бу муддат икки йилдан беш йилгача эди.
Республика жиноят кодексига киритилган тузатишларда “интизомий баталонлар” ҳам йўқотилган. Жиноят содир этган ҳарбий хизматчилар энди жазони фақат озодликдан маҳрум этиш жойларида ўтайдилар.