Россия Ташқи ишлар вазири ўринбосари Александр Лосюков Пхеньянда Корея Халқ Демократик Республикасининг ядровий дастури муаммолари бўйича музокаралар олиб бормоқда.

Сафар олдидан Лосюков ўзининг мақсади Шимолий Корея раҳбариятини АҚШ билан музокаралар олиб бориш зарурлигига ишонтиришдан иборат эканлигини баён қилган эди.
Россия дипломати бундан олдин Пекинда Хитойнинг юксак мартабали вакиллари билан Россия ва Хитойнинг бўҳронни бартараф этишга йўналтирилган муштарак чоралар кўриш имкониятларини муҳокама қилган эди.
АҚШ Давлат котиби Колин Пауэлл Вашингтон Пхеньян билан ҳарбий можарога боришга уринмаётганини яна баён этди.