АҚШ БМТ Хавфсизлик Кенгашининг Ироқ бўйича янги резолюциясини, агар унда Саддам Ҳусайн режими қуролсизланишдан бош тортган тақдирда, мазкур режимга қарши конкрет чоралар қўллаш назарда тутилсагина, қўллаб-қувватлайди.

АҚШ президенти Жорж Буш Британия бош вазири Тони Блэр билан ўтказган сўзлашувларидан сўнг Вашингтонда бўлиб ўтган матбуот анжуманида БМТ экспертларининг Ироқдаги текширувларни чўзиб юборганларидан кескин норозилик билдирди.
Ўз навбатида Тони Блэр Ироқ муаммосини ҳал қилишда халқаро ҳамжамиятнинг ҳамкорликдаги ҳаракатлари муҳимлигини таъкидлаб ўтди.