- Ироқ қуролсизланишни истамай жаҳон ҳамжамиятининг сабр-тоқатини синовдан ўтказяпти, -дейди АҚШ Давлат котиби Колин Пауэлл бугун “Уолл стрит жорнэл” газетасида чоп қилинган мақоласида.

Чоршанба куни Пауэлл БМТ Хавфсизлик Кенгашига Ироқ халқаро инспекторлардан оммавий қирғин қуролларини яшираётганини исботловчи АҚШнинг далилларини тақдим этиши лозим.
Буюк Британия Бош вазири Тони Блэр кеча парламентда сўзлаган нутқида, Бағдод БМТ экспертлари билан тўла ҳамкорлик қилмаётганини яна баён этди.
Кеча МАГАТЭ директори Муҳаммад Эль Барадей Ироқ маъмурлари инспекторларга фаолроқ кўмаклашишлари зарурлигини қайд этди.