АҚШ ва Британия авиацияси Республика гвардиясининг Бағдод остоналарида жойлаштирилган қисмларига сезиларли зарба берди, деб баёнот берди Пентагон вакили генерал Стенли МакКристал.

Ироқ ҳарбий раҳбарияти ўзининг сара аскарларини қувватлаш учун чоралар кўрмоқда, деди у. Генералга кўра, шанба ва якшанба кунлари Ироқ кучлари устига 3 мингта бомба ташланди. Бу - Ироқда уруш бошланганидан буён ташланган бомбаларнинг учдан бир қисмидир.