Жаҳон Озиқ-овқат дастури бошлиғи Жеймс Моррис Ироқ аҳолисига ëрдам кўрсатиш ишлари қандай олиб борилаëтганини кўздан кечириш учун бугун Бағдодга боради.

Моррис бир кунлик сафари давомида АҚШ расмийлари , БМТ ходимлари ва собиқ Ироқ Савдо вазирлигининг вакиллари билан учрашади.
Жаҳон Озиқ-овқат дастури келаси бир неча ой мобайнида Ироққа бир ярим миллион тонна озиқ-овқат жўнатишга тайëргарлик кўраëтганини билдирди. Мазкур бошқармага кўра, Ироқ аҳолисининг камида 60 фойизи озиқ-овқат ëрдамига муҳтождир.