АҚШ ҳарбий кучларининг билдиришича¸ бугун Ироқда қуролли кимсаларнинг ҳарбий карвонга қилган ҳужумлари оқибатида АҚШ фирмасида ишловчи бир фуқаро ҳалок бўлди ва АҚШнинг икки аскари яраланди.

Ҳарбий кучлар матбуот вакили карвон Тикритда ракета ҳужумига учраганини маълум қилди. Бироқ¸ у ҳалок булган фуқаронинг кимлигини ошкор этмади.
Ироқнинг мағлубиятга учраган собиқ президенти Саддам Ҳусайннинг шаҳри бўлмиш Тикритда сўнгги ой давомида бу¸ АҚШ фирмасида шартнома асосида ишловчи ҳарбий бўлмаган иккинчи шахснинг қурбон бўлишидир.