Россияга сафар қилаётган АҚШ делегацияси Москва расмийлари билан, Афғонистонда қўлга олинган ва ҳозирда Кубадаги Гуантанамо қамоқхонасида сақланаётган саккиз нафар Россия фуқаросининг тақдири хусусида музокара олиб бормоқда.

АҚШ делегацияси раҳбари Пиерре-Ричард Проспер кеча Россия Ташқи ишлар вазири ўринбосари Вячеслав Трубников билан учрашди. Музокаралардан сўнг тарқатилган Россия Ташқи ишлар вазирлигининг қисқа баёнотида, сўзлашувлар конструктив муҳитда ўтгани билдирилган холос.