Британиянинг Афғонистондаги Ҳарбий Кучлари матбуот вакилининг билдиришича, коалиция кучларининг Кобулдаги икки қароргоҳи кеча тунда ракета ўқига тутилган. Ҳеч кимга зара етмаган.

Британия майори Сараҳ Вуднинг айтишича, биринчи ҳужум пойтахтнинг шарқий қисмидаги Германия ва Канада аскарлари қароргоҳига қилинган бўлса, иккинчи ҳужумда Канада аскарларининг бошқа бир базаси нишонга олинган.
Афғонистон Ички ишлар вазири Али Аҳмад Жалолийнинг айтишича, терроризм ва жиноятчилик мамлакатдаги тажовуз ва беқарорликка асосий сабаб бўлмоқда.