Россия президенти Владимир Путин матбуот хизматининг бугун маълум қилишича, Путиннинг АҚШ президенти Жорж Буш билан шу ойнинг охирига режалаштирилган учрашувида АҚШ билан яқинроқ ҳамкорлик қилиш масаласи муҳокама қиллнади.

Баëнотга кўра, Путин 27 сентябр куни Кэмп Дэвидда Буш билан учрашиб, халқаро масалалар юзасидан, янги таҳдидларга қарши кураш , мудофаа, тижорат ва инсонпарварлик соҳаларида ҳамкорликни кенгайтириш тўғрисида музокаралар олиб боради.
Путин ўзининг АҚШ ташрифи давомида БМТ Бош Ассемблеясида ҳам нутқ сўзлайди.