Маҳаллий инсон ҳуқуқлари фаолининг бугун маълум қилишича, Ироқнинг собиқ Мудофаа вазири Султон Ҳошим Аҳмад мамлакатнинг шимолий қисмидаги Мосул шаҳрида АҚШ ҳарбий кучларига таслим бўлди.

Бу ҳақда собиқ Мудофаа вазири билан АҚШ кучлари ўртасида васитачилик қилган Довуд Бағистоний хабар берган. АҚШ кучлари ҳозирча бу борада ҳеч қандай маълумот берганларича йўқ.
Айни пайтда АҚШ ҳарбий кучларининг билдиришича, кеча тунда Тикрит шаҳри яқинида уч аскар ҳалок бўлган ва бошқа икки аскар яраланган.