Бағдод жанубидаги масжидлардан бирининг олдида бомба портлаши натижасида бир АҚШ ҳарбийси ва тўрт ироқлик ҳалок бўлди. 13 одам яраланган.

Гувоҳларнинг айтишича, мазкур воқеа АҚШ ҳарбийларига тегишли автоколлонна гавжум кўчадан ўтиб кетаëтган вақтда рўй берган.
Портлаш юз берган жой олдидан ўтиб кетаëтган автобус йўловчилари жароҳат олган.
Бугун 1000 га яқин одам Бағдод марказида йиғилиб тинч аҳолига нисбатан ҳужумлар уюштирилишини тўхтатишга қаратилган норозилик намойиши ўтказди.