АҚШнинг хавфсизлик чораларини кўришга даъват этувчи янги баëнотида ғарбликлар Ўзбекистон ва Саудия Арабистонида эҳтимолий ҳужумларга учрашлари мумкинлигидан огоҳлантирилади.

Давлат Департаментининг билдиришича, Ўзбекистонда террористлар ғарбликлар турадиган меҳмонхоналар, хорижий давлатлар элчихоналари ва шунга ўхшаш бошқа жойларга ҳужум уюштиришлари мумкин.
Баëнотда айтилишича, "Ўзбекистон Исломий Ҳаракати", "Ал-Қайда" ва уйғурларнинг "Шарқий Туркистон Исломий Ҳаракати" каби экстремист гуруҳлар минтақада ўз фаолиятларини давом эттирмоқда.