ИТАР-ТАСС ахборот агентлиги хабарига кўра, Қирғизистон йўловчи учқичи якшанбадан душанбага ўтар кечаси Россиянинг Барнаул шаҳрида фавқулодда ерга қўнишга мажбур бўлган.

Қирғизистон Ҳаво Йўлларига қарашли учқич Новосибирскдан Бишкекка учиш учун ҳавога кўтарилиши биланоқ, юк кабинасидан тутун чиқа бошлаган.
Учувчи самолëтни муваффақиятли равишда ерга қўндирди ва 61 йўловчи ва экипаж аъзоларининг ҳеч бирига талофат етмади.
Хабарларга кўра, учқичнинг юк кабинасида ëниб кетган бир чемодан топилган.