Бугун Афғонистондаги Америка ҳарбийлари якшанба куни Ўрузғон вилоятидаги бир уйга ҳаводан ҳужум қилингани оқибатида бегуноҳ одамлар нобуд бўлгани ҳақида маълумотга эга эмаслигини билдирди.

Ўрузғон вилояти ҳокими Жон Муҳаммадхонга кўра, мазкур ҳужум оқибатида 11 одам, жумладан 4 гўдак қурбон бўлган. Афғонистон расмийлари ҳалок бўлганлар “толиблар” эмаслигини баëн қилмоқдалар.
Афғонистондаги Америка ҳарбийси Стивен Мун якшанба кунги ҳужумда қуролланган 5 шахс ўлганини, аммо бошқа талафот ҳақида маълумотга эга эмаслигини билдирди.