Бугун Қўшма Штатлар Қирғизистон Армиясига чегарада хавфсизлик чораларини кучайтириш учун совет даврида ишлаб чиқарилган иккита ҳарбий вертолëт берди.

АҚШнинг Бишкекдаги элчихонасига кўра, такомиллаштирилган МИ-8 русумидаги иккита вертолëт эҳтиëт қисмлари билан бирга 4 миллион 500 минг долларга сотиб олинган.

Хабарларга қараганда, мазкур вертолëтлар Қирғизистонга унинг АҚШ бошчилигидаги террорчиликка қарши курашни қўллаб-қувватлаëтгани учун ëрдам сифатида берилган.