БМТ Бош Котиби Кофи Аннан ироқлик шиалар талаб қилаëтгани каби мамлакатда зудлик билан сайлов ўтказиш имкониятларини ўрганиш учун Ироққа БМТ делегациясини жўнатиши-жўнатмаслигини бугун ëки эртага эълон қилади.

АҚШ маъмурияти июн ойида тайинланадиган Ироқ муваққат ҳукуматига ҳокимиятни топширишдан аввал мамлакатда сайлов ўтказиш қийин эканини билдирмоқда.
Кофи Аннан томонидан жўнатилган БМТнинг икки мутахассиси ҳозирда Бағдоддаги хавфсизлик билан боғлиқ вазиятни синчковлик билан ўрганишмоқда.