Бугун Латвия пойтахти Ригада минглаб этник руслар жамоатчилик мактабларида дасрслар асосан Латиш тилида олиб борилишини назарда тутувчи қонунга норозилик билдириб, намойиш ўтказидлар.

5 мингга яқин ўқувчи-ёшлар қўлларида ислоҳотларга қарши шиорлар билан Латвия Президентининг Ригадаги қароргоҳи олдида тўпландилар.
Қарийб 2 ярим миллионлик Латвия аҳолисининг учдан бир қисмини рус тилида сўзлашувчилар ташкил этади. Кеча Латвия Президенти Ваира Вике-Фрайберга рус мактабларида дарсларнинг 60 фоизи Латиш тилида олиб борилишини назарда тутувчи қонунга имзо чекди.