Венада бир ҳафта давом этган музокаралардан сўнг, бугун Халқаро Атом Энергияси Агентлиги мамлакатнинг ядровий фаолияти тўғрисидаги маълумотларни яширгани учун Эронни танқид қилувчи резолюцияни қабул қилди.

Эрон Ташқи Ишлар вазирлиги мазкур резолюцияни “ташвиқот”, дея баҳолади. Эрондаги “ISNA” ахборот агентлигининг билдиришича, Эрон Ташқи Ишлар вазирлиги матбуот вакили Риза Асефий ўз мамлакати Халқаро Атом Энергияси Агентлигининг янги талабларини қабул қилмаслигини айтган.